BERNARDITA EVANGELISTA GERONIMO CABUANG CRISOSTOMO

"BADETTE"

akda ni : Buangoi

Ayaw niyang makita namin ang magagaspang niyang kamay

kakahanap ng pera para makasilong kami sa isang bahay

'Di niya hinahayaang magulo ang buhok habang naghahanap buhay

Ganyan ang buhay niya noong namatay ang aming tatay

Dalawang anak, walang ama, isang nanay

tatlong bunganga, isang pares ng paa at kamay

Isang bahay, dalawang tuition, walang karamay

isang milliong diskarte sa buhay, wala ni isang aray

Paano mo nagagawang na lahat ng bagay ay mapagsabay?

Paano mo kami namamahal ng pantay pantay?

Bakit lagi na lang ako nalulungkot kapag wala ka sa bahay?

pero kapag andyan ka na nawawala na ang tamlay

Dumaan ang mga taon na kami lang ni ate ang iyong minahal

Mga taon na ikaw lang ang nagturo saamin kung paano magdasal

mga taon na ikaw lang ang nag gabay sa aming pagaaral

kaya di ko din masisi na naghanap ka ng ibang Mahal

Nakita kong siya ay muling gumiti at tumawa

 umiyak sa saya at lumundag na parang bata

mga emosyon na hindi ko kayang maibigay sakanya

mga emosyon na ibinigay sakanya ng bago niyang asawa

Kayod sa umaga, pagaalaga sa gabi

Araw araw yumayakap, mapasaya lang kami
"mahal ko kayo", yan ang lagi niya sinasabi

bat nga ba pagnakikita kita ako'y napapangiti?

Bakit madalas na akong naka-nguso?
may bagong bata na dumedede sa iyong suso
di na ako ang hawak mo na malapit sa iyong puso
dahil yun na ang araw na dumating na ang bagong bunso

ang nanay ko ang pinaka maganda
ang nanay ko ang pinaka masaya
ang nanay ko ang pinaka malakas
hangang sa isang araw na ang katawan niya ay nagaklas

dumating ang mga araw na katawan niya ay di na gumagana

isang apdo, dalawang kamay at paa

di na makapulot ang sampung daliri niya

malabo kaya naoperahan na ang kanyang mga mata

pero maliban sa sakit na iyong nararamdaman

di mo nakalimutan na ikaw padin ang ilaw ng tahanan

ngumingiti ka padin at patuloy na lumalaban

araw araw mo padin kami tinuturuan kung paano magmahalan

mamahalin ka namin kahit di ka na makalakad

mamahalin ka namin kahit di ka na makapagsalita

mamahalin ka namin kahit araw araw kitang paliliguan

mamahalin ka namin kahit di mo na mahawakan ang aming kamay

mamahalin ka namin kahit araw araw mo kaming utusan

mamahalin ka namin kahit kailangan na kitang buhatin pataas ng hagdan

mamahalin ka namin kahit di mo na kami makita

mamahalin ka namin kahit di ka na makatalon

mamahalin ka namin kahit di ka magpantalon

tawa ka lang palagi mahal naming ina

ngiti mo pa lang, pagod namin ay nawawala

i love you, mahal kita kahit anong lenguahe pa

payakap naman oh , pag itoy nabasa mo na :)